Арсенал прв поведе
против Челси со голот на Вилшер во 63. минута, а тимот на Венгер на крајот се мачеше да дојде до реми од овој меч.
Гостите само четири
минути по водството на Арсенал, дојдоа до израмнување откако сигурен реализатор
од белата точка беше Азар, врз кого беше направен прекршокот за најстрога
казна.
Мората се изнапромашува
на дербито, па во улога на централен напаѓач во една ситуација се најде Алонсо,
тој во 84. минута ја искористи својата шанса и погоди за 1-2.
Голема драма имаше и во финишот а херој за домаќините беше Белјерин кој во втората минута од продолжението по истекот на регуларните 90 минути погоди за конечни 2-2 на мошне возбудливото дерби во Лондон.
Челси со 46 бода се
наоѓа на третото место на табелата, со бод заостанување зад Манчестер јунајтед,
Арсенал со 39 бода се наоѓа на шестото место.