Наполи ја наполни мрежата на Верона, 25 минути за Елмас (ВИДЕО)

И во новата сезона Елмас не е во стартниот тим на Спалети, нашиот фудбалер во игра влезе во 68. минута на местото од новото засилување Квараскелија.

Верона одлично го отвори мечот, во 29. минута поведоа со гол на Лазања, но предноста не ја задржаа ни до крајот на првото полувреме.

Квараскелија во 37. минута го постигна својот деби гол за Наполи, а Осимен во судиското продолжение во првиот дел донесе пресврт и водство на Наполитанците од 2-1.

По само три минути игра во вториот дел Анри даде гол и изедначи на 2-2. Но тоа беше се што направи Верона.

Следуваа голови на Зиелински, Лоботка и Политано за победа на Наполи од 5-2.