Копа трофејот за најдобар млад играч му припадна на големиот талент на Барселона, Гави.
Нагелсман смета дека одлуката не е вистинска, според него има двајца играчи во Бундеслигата кои имале подобра сезона од Гави, тоа се Мусиала од Баерн Минхен и Белингем од Борусија Дортмунд.
„Јас би гласал на поинаков начин. Според мене Јамал Мусиала и Џуд Белингем имаа подобри сезони од победникот. Според мене тие и двајцата се пред Гави“, рече Нагелсман.
И фудбалерот на Баерн Минхен, Алфонсо Дејвис имаше што да каже за изборот. Тој преку социјалните мрежи му даде поддршка на Мусиала.
„Тие можеби ти го земаа твојот Копа Трофеј, но нема да можат во иднина да ти ја земат Златната топка“, напиша Алфонсо Дејвис.
They may have denied you of your Kopa Trophy, but they won’t deny you of your future Ballon d’Or #GoldenBoy pic.twitter.com/8YQXkWuVzw
— Alphonso Davies (@AlphonsoDavies) October 18, 2022
Гави ќе има шанса веќе следната недела да го демантира Нагелсман пред неговите очи. Баерн Минхен гостува на Камп Ноу во Лигата на шампионите.