Словенечкиот напаѓач, Бенџамин Шешко ова лето ќе го направи најголемиот трансфер во својата кариера, бидејќи ќе го напушти РБ Лајпциг и кариерата ќе ја продолжи во Англија. Според информации на германскиот медиум „Билд“, Шешко веќе постигнал договор со екипата на Арсенал.
Сега останува само да се договорат два клуба околу висината на отштетата, која се очекува да биде меѓу 80 и 100 милиони евра, тврди германскиот медиум.
Шешко има само 22 години и во минатата сезона постигна 21 гол на 45 натпревари за РБ Лајпциг во сите натпреварувања.
Репрезентативецот на Словенијата кариерата ја започна во екипата на Кршко од каде што пристигна во Домжале, а потоа следел трансферот во Салцбург.
Од Салцбург, за 24 милиони евра, премина во Лајпциг пред две години, со одличните настапи за германскиот тим брзо го привлече вниманието на европските гиганти.
Во дресот на репрезентацијата на Словенија на 41 настап постигна 16 погодоци.
🚨🇸🇮 𝐁𝐑𝐄𝐀𝐊𝐈𝐍𝐆 | Arsenal have agreed personal terms with Benjamin Sesko (22)! 🤝✅
— EuroFoot (@eurofootcom) June 18, 2025
'Poker' is now being played for a price between €80-100m for the RB Leipzig striker, reports @BILD. pic.twitter.com/8ld3wGriKo