Саудискиот гигант Ал Хилал ја потврдил својата намера да го доведе Виктор Осимен, испраќајќи конкретна понуда до Наполи, пренесува добро информираниот трансфер-експерт Фабрицио Романо.
Според информациите, Ал Хилал понудил 65 милиони евра фиксна сума, со дополнителни 5 милиони во форма на бонуси. Топката сега е кај Наполитанците, кои треба да донесат конечна одлука.
Оваа понуда доаѓа веднаш по веста дека клубот од Ријад стапил во контакт со Осимен за да ги договори личните услови и платата, што укажува на сериозна амбиција да се заврши трансферот.
Нигериецот имаше фантастична сезона зад себе, постигнувајќи 37 голови и забележувајќи 8 асистенции во 41 натпревар во сите натпреварувања. На крајот од месецов истекува неговата позајмица во Галатасарај, по што треба да се врати во Наполи, клубот што го купи од Лил во 2020 година за 78,9 милиони евра.
🚨🇸🇦 EXCL: Al Hilal submit official bid to Napoli for Victor Osimhen as top target.
— Fabrizio Romano (@FabrizioRomano) June 5, 2025
Proposal worth €65m fixed fee plus €5m add-ons, decision up to Napoli now.
This follows story revealed yesterday on Al Hilal in contact with Osimhen over salary/personal terms. pic.twitter.com/m0brZMVSqt