Мурињо си го носи Матиќ и во Рома

Немања Матиќ ќе стави потпис на едногодишен договор со Рома со можност за продолжување на уште една сезона.

Познатиот италијански новинар, Џанлука Ди Марцио вели дека трансферот е договорен, а ќе биде комплетиран откако Матиќ и официјално ќе го напушти Манчестер јунајтед.

Мурињо му беше тренер во Челси и Манчестер јунајтед, а сега заедно ќе работат и во Рома.

Српскиот фудбалер во Рома доаѓа по желба на Жозе Мурињо кој многу добро ги познава квалитетите на Матиќ.

Матиќ ќе биде второто засилување за Рома во летниот преоден рок, првото е неговиот сонародник, голманот Миле Свилар кој исто така доаѓа како слободен играч, од Бенфика.