Ндомбеле доминираше на теренот, а одличната игра ја зачини со прекрасен погодок со кој ги постави конечните 3-1.
Тој минатата сезона беше во лоша форма, па не добиваше голема шанса од Мурињо иако важеше за екстра талент, тој е и најскапото засилување на Тотнем во историјата. Во меѓувреме Ндомбеле работеше напорно и оваа сезона е стандарден во стартниот тим.
Мурињо го испофали Ндомбеле, но индиректно им испрати порака на Деле Али и Герет Бејл дека само од нив зависи дали ќе влезат во стартниот тим и колку ќе играат.
„Имам доволно искуство за да кажам дека кога играчот не игра многу добро, тоа е негова одговорност“, вели Мурињо.
„Кога играчот ќе ги промени работите и ќе почне да покажува перформанси на многу високо ниво, тоа исто така е негова одговорност. Ндомбеле е вистински пример за тоа дека вратата за сите е отворена. Дека нема фудбалер кој ако заслужи не мже да биде во тимот“.
„Кога играчот не игра добро треба да разбере зошто е тоа така и треб да разбере како може да помине низ тешкиот период“.
„Ндомбеле го сфати тоа. Неговиот гол беше неверојатен, но не ми е гајле за голот, гајле ми е за неговите перформанси, а тие беа фантастични“.
„Му давам посебни пофалби на Танги Ндомбеле за тоа што тренираше напорно и имаше желба да заработи место во првиот тим“.