Првиот оперативец
на Рома, Мончи му претстои договор за личните услови со Арсенал, но,
информациите кои пристигнуваат велат дека тој е блиску до преселба на Островот.
Изминатиов
викенд, Мирор и Марка известија дека Арсенал веќе испратил конкретна понуда до
Мончи, а од Премиерлигашот имале големи очекувањата дека понудата ќе биде
прифатена, но, Газета дело Спорт пренесе дека до овој момент нема никаков
договор помеѓу обете страни.
Како и да е, весникот
додава дека за Шпанецот, Премиерлигата е голем предизвик, а преговорите кои се
во тек, би можеле да вродат со плод со договор на лето.
50 годишниот
Мончи важи за еден од најдобрите, ако не и најдобар за позицијата која ја
извршува во Рома, претходно се поврзуваше со преселба во ПСЖ, како и враќање во
Севиља, а во неговиот договор со Рома има откупна клаузула во висина од еден
милион евра.
Очекувањата се
Мончи да си замине од Рим на лето по крајот на актуелната сезона, а доколку
дојде до преселба во Арсенал, би можел повторно да соработува со Унаи Емери,
тие соработуваа во Севиља во периодот од 2013. до 2016. година.