На денешен ден пред точно 20 години, Истанбул беше домаќин на најлудото финале во историјата на Лигата на шампионите – финале кое засекогаш ќе остане врежано во сеќавањата на фудбалските фанови.
Моќниот Милан, предводен од Карло Анчелоти и пред исполнет со ѕвезди како Малдини, Кака и Креспо, на полувреме водеше со убедливи 3-0. Се чинеше дека сè е решено, дека трофејот оди за „росонерите“.
Но Ливерпул имаше други планови. Во само седум минути – Џерард, Шмицер и Чаби Алонсо го направија невозможното: 3-3! Следуваа продолженија во кои Милан имаше повеќе од играта, но Јержи Дудек беше херојот на вечерта.
Во пенал-серијата, полскиот голман со неколку неверојатни одбрани, вклучувајќи го и последниот шут на Шевченко, го одведе Ливерпул до европската титула и испиша едно од најголемите „чуда“ во историјата на фудбалот.
Дваесет години подоцна, финалето во Истанбул 2005 останува ненадминато по драма, емоции и спектакл.