Михајловиќ: Правилото за офсајд мора да се промени, не може да се поништува гол поради нос или рамо!

Понекогаш фрустрирачко изгледа кога на некој ќе му поништат гол поради милиметарски ситен офсајд. Општ впечаток е дека тоа треба да се промени, иако се уште нема идеја како би се случило тоа.

„Мислам дека треба да бидеме потолерантни. Да се поништи гол поради нос или рамо е премногу, дури и ако правилата се јасни“, вели Михајловиќ.

„Според мене тоа мора да се промени. Мора да има толеранција, иако севкупно правилото за офсајд со ВАР е добра работа“.

„Но проблем е што сигнализира до милиметар. Често ни се случува на нас, и против нас и за нас. Мора да се адаптираме сега, но во иднина треба да се промени“.