Меси не издржа: Пушти солзи по загубеното финале и веројатно простувањето од Мундијалите (ВИДЕО)

Аргентина остана без одбрана на светската титула, а најтешко по поразот од Шпанија со 1-0 во финалето го доживеа капитенот Лионел Меси.

По последниот судиски свиреж, искусниот Аргентинец не успеа да ги задржи солзите. Додека ги поздравуваше шпанските фудбалери и го примаше сребрениот медал, беше видно разочаран, а емотивните сцени веднаш станаа една од главните теми по финалето.

„Гаучосите“ беа многу блиску до нова светска титула, но погодокот на Феран Торес во 106. минута ги остави без трофејот. И покрај големата борба, избраниците на Лионел Скалони не успеаја да ја пробијат шпанската одбрана и мораа да се помират со второто место.

За Меси ова најверојатно беше последниот настап на Светските првенства, што дополнително ја засили емотивната атмосфера. Освојувачот на титулата од 2022 година во солзи ја напушти свечената церемонија, ставајќи крај на уште едно незаборавно мундијалско поглавје во својата репрезентативна кариера.

YURSSSS

Messi tears 😍 pic.twitter.com/yyk6AmmkwD

— Red Army 68' 🇾🇪 (@MUFC_RA) July 19, 2026