Матип го пропушта остатокот од сезоната

Матип заработи повреда во дуел со Сон за време на победата на Ливерпул над Тотнем во четвртокот и беше заменет на полувремето.

Од претходно повредени се Вирџил Ван Дајк и Џо Гомез, па повредата на Матип го уклучи алармот во Ливерпул кои синоќа, во последниот ден од преодниот рок потпиша со двајца дефанзивци, Бен Дејвис од Престон и Озан Кабак од Шалке.

„За жал дознавме дека Џоел ќе биде во аут до крајот од сезоната“, потврди Клоп.

„Но ќе биде подготвен за да ги почне подготовките за следната сезона“.