Шпанскиот весник „Марка“ тврди дека Реал Мадрид и Чаби Алонсо си подале рака за тригодишен договор, тој и дефинитивно ќе биде следниот тренер на кралскиот клуб.
Кога ќе заврши последното коло од Ла Лига, Карло Анчелоти ќе си замине од Реал Мадрид и ќе заврши една позитивна ера.
Брзо потоа ќе почне друга, Алонсо и Реал Мадрид постигнале согласност за договор до јуни 2028 година.
Алонсо кој е поранешен играч на Реал Мадрид, во Баер Леверкузен се промовираше како еден од најперспективните тренери на денешницата освојувајќи ја Бундеслигата и Купот на Германија.
Но, Реал Мадрид ќе биде вистински предизвик за него бидејќи тежината на клубот е многу поголема од онаа на Леверкузен.
„Марка“ пишува дека Алонсо би го преземал кормилото на Реал Мадрид по завршувањето на Светското клупско првенство, а на ова натпреварување тимот ќе го води Солари.
