Манчини призна дека Македонија му ги срушила плановите, но верува дека ќе освои СП со Италија

Актуелниот Европски шампион нема да игра во Катар поради Македонија. Ние ја победивме Италија во Палермо и му го загорчивме животот на Роберто Манчини.

Тој призна дека кога станал селектор на Италија си дал за цел да ги освои Европското и Светското првенство по ред, но Македонија му ги расипа плановите. Сепак верува дека ќе го направи тоа во 2026.

„Кога станав селектор си дадов цел да ги освојам Европското и Светското првенство. Пред една година со пехарот во моите раце си реков: Сега одиме да ја освоиме и другата круна“, вели Манчини и продолжува:

„Мислев на ова Светско првенство, но очигледно не се случи. Но продолжувам да мислам дека ќе освоиме Светско првенство, да“.