Манчестер Сити се повлекува од трката со Ливерпул за услугите на Милош Керкез, клубот од „Етихад“ за истите пари ќе го купи Аит Нури од Вулверхемптон и смета дека ќе добие подобар лев бек.
Милош Керкез подолго време е на радарот на гигантите ширум Европа, се шпекулира дека Ливерпул, Манчестер Сити, Реал Мадрид и Баерн Минхен внимателно го следат Унгарецот.
Ливерпул и Манчестер Сити се двата клуба кои до овој момент најсериозно загризаа за левиот бек, но последните информации велат дека „граѓаните“ се повлекле од трката и ќе ги остават „црвените“ да го купат Милош Керкез.
Тимот предводен од Пеп Гвардиола се решил на еден ваков чекор бидејќи смета дека за исти пари можат да купат подобар лев бек – Рајан Аит Нури од Вулверхемптон.
Алжирецот веќе дал зелено светло за преселба на Етихад и Манчестер Сити сега треба да пронајде заеднички јазик со Вулверхемптон за услугите под кои ќе се реализира зделката, „волците“ бараат околу 45 милиони фунти за продажба на Аит Нури.