Манчестер јунајтед идната недела ќе го промовира првото големо засилување

Според „Сан“, Бразилецот Фред од Шахтар ќе биде промовиран како ново засилување на Манчестер јунајтед веќе следната недела.

Мурињо долго време го брка 25-годишниот фудбалер од средниот ред, а според шпекулациите трансферот е вреден околу 52 милиони фунти.

Португалецот сака да го купи Фред пред да почне Светското првенство во Русија.

Интерес за Фред имаше и од Пеп Гвардиола, но се чини дека оваа битка сепак ќе ја добие Жозе Мурињо.

Фред е на подготовки со бразилската репрезентација и вели дека тој е фокусиран само на Светското првенство, а неговите агенти се грижат за трансферот.

„Јас сум комплетно фокусиран на Светското првенство. Моите агенти се грижат за трансфер. Чест ми е што сум на радарот на големите европски тренери“, вели Фред.