Манчестер јунајтед и Јувентус се договориле за Рабио, но мајката на фудбалерот го има последниот збор

Јувентус го стави Рабио на продажба ова лето, а Манчестер јунајтед се заинтересира за него, достави понуда која е прифатлива за италијанскиот клуб, но за да се реализира трансферот треба согласност и од третата страна.

Мајката на Рабио, Вероник, која е и негов агент, треба да се сложи на овој трансфер. Доколку клубовите добијат зелено светло од неа, ќе се премине кон комплетирање на зделката.

Познато е дека мајката на Рабио се грижи за неговата кариера и таа ги носи одлуките за нејзиниот син.