Прекрасен лондонски меч, дуелот меѓу Вест Хем и Арсенал изобилуваше со шанси и погодоци на двете страни.
Вест Хем имаше почеток од соништата, поведоа со гол на Лингард во 15. минута, а две минути подоцна Боуен по еден брзо изведен слободен удар зголеми на 2-0.
Во 32. минута погоди и Соучек за водство на Вест Хем на 3-0, во тие моменти Арсенал беше во нокдаун, се веруваше дека чеканите ќе дојдат до три нови бодови но не беше така.
На пет минути пред крајот на првото полувреме Соучек си постгна автогол за 3-1, а во вториот дел и Доусон ја затресе сопствената мрежа за 3-2.
На осум минути до крајот на мечот Лаказет погоди и ги постави конечните 3-3.
Покрај шестте погодоци и двете екипи имаа по неколку големи шанси па немаше да биде незаслужено кој и да победеше.