Ливерпул со победа во 94. минута ја почна новата година (ВИДЕО)

Ливерпул со победа ја почна новата година, „црвените“ со погодок во 94. минута дојдоа до триумф од гостувањето кај Барнли.

Мрежите мируваа се до 61. минута кога Мане со прекрасен гол му донесе водство на Ливерпул од 1-0.

Во 87. минута Гудмундсон со глава го изедначи резултатот на 1-1 и во тие моменти се чинеше дека Ливерпул ја загуби победата, но не беше така.

Течеше 94. минута кога по центаршут на Окслејд Чембрлејн, Ловрен спушти до Клаван кој со глава реализираше за победа на Ливерпул од 2-1.

Лестер со убедливи 3-0 го совлада Хадерсфилд, сите погодоци беа постигнати во второто полувреме. Махрез, Слимани и Олбрајтон беа стрелци на головите.

Њукасл со 1-0 го совлада Стоук на негов терен, без победник 2-2 заврши мечот помеѓу Брајтон и Борнмут.