Лерој Сане пред кам-бек во Премиер лигата

Лерој Сане би можел повторно да заигра во Премиерлигата, откако според информации од Англија, крилниот офанзивец на Баерн Минхен им бил понуден на редовите на Тотнем.

Германецот е во последната година од договорот со баварскиот гигант и не е исклучено летово да се пресели како слободен агент. Фактот дека Тотнем обезбеди пласман во Лигата на шампионите може да биде силен мотив за Сане да го прифати предизвикот и повторно да заигра во Англија.

Сане веќе има Премиерлигашко искуство зад себе, откако со години беше дел од Манчестер Сити, каде остави солиден впечаток.

Во изминатата сезона, 29-годишниот офанзивец одигра 30 натпревари во Бундеслигата, при што запиша 11 погодоци и 5 асистенции.