Лацио работи на големо засилување, Таре бил на вечера со Давид Силва

„АС“ пишува дека Давид Силва е во преговори со Лацио, а во Италија се пишува дека тој имал вечера со спортскиот директор на Лацијаните, Игли Таре.

34-годишниот играч е слободен агент откако по десет години поминати во Манчестер Сити го напушти англискиот клуб.

Лацио не е единствениот кандидат за потписот на Силва, тој се поврзува и со враќање во Валенсија, но и со преселба во МЛС лигата во клубот на Дејвид Бекам, Интер Мајами, понуда има и од Дубаи.

Сепак Лацио е најатрактивна опција за Давид Силва бидејќи италијанскиот тим обезбеди место и во Лигата на шампионите.