Саудиска Арабија со
години се промовира преку спортот, фокусот сега е на фудбалот, па нуди луди
суми за да примами што е можно повеќе квалитетни и звучни имиња.
Главна цел се
фудбалери кои се на залезот од кариерата, но успеа да ангажира и неколку перспективни
играчи, еден од нив е Габри Веига, кој важаеше за еден од најталентираните Шпанци
во својата генерација.
Тони Крос беше еден
од малкумината кои јавно се огласија, Германецот порача дека одлуката на Габри
Веига е срамна.
Фудбалерот на
Реал Мадрид сега уште еднаш јасно кажа што мисли за трансферите во Саудиска
Арабија.
„Велат дека имале
амбициозен проект и слични работи, но да не се лажеме, сите одат таму поради
пари. На овој начин губи фудбалот, оној фудбал кој сите го знаеме и обожаваме“ –
вели Германецот.
„Секој треба лично
да си донесе одлука, како Кристијано Роналдо, кој реши да се пресели во
Саудиска Арабија кон крајот на кариерата. Но навистина е тешко кога фудбалери,
кои се на почетокот или на средината од кариерата, и имаат квалитет да играат
за најдобрите клубови во Европа, решаваат да направат ваква промена“.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.