Клоп одговори на шпекулациите: Фирмино е срцето и душата на Ливерпул

Боби Фирмино цело лето се поврзува со заминување, а последните гласини велат дека Јувентус се интересира за него.

Сепак Клоп има големи пофалби за Фирмино и вели дека Бразилецот нема шанси да си замине.

„Боби е клучен за нас. Боби е срцето и душата на овој тим“, вели Клоп.

„Начинот на кој игравме во изминатите години беше возможен само затоа што го имавме Боби. Токму затоа јас сум навистина среќен што тој може да тренира тука во најголемиот дел од подготовките и се изгледа многу добро“.

„Никогаш не сум се сомневал во неговите квалитети. Ќе видиме како ќе оди годината, но да, тој е клучен за нас“.