Ќе добие нов договор од Интер па ќе се пресели во Марсеј со две различни клаузули

Талентираниот Валентин Карбони ќе стави потпис на нов договор со Интер и потоа ќе се пресели на позајмица во Марсеј.

19 годишниот Валентин Карбони, кој со Аргентина летово стигна до триумф на Копа Америка, важи за голем талент, Интер не сака лесно да се откаже од неговите услуги, па најде начин како да му даде шанса за поголема минутажа во друг клуб.

Офанзивниот фудбалер од средниот ред ќе стави потпис на нов договор со „нероаѕурите“ и потоа ќе се пресели на позајмица во Марсеј.

Марсеј ќе има опција во целост да го купи за 35-36 милиони евра, но Интер и понатаму ќе ја контролира ситуацијата бидејќи ќе добие клаузула според која ќе може да го врати Валентин Карбони во своите редови за 40-45 милиони евра.