Венецуела направи голем чекор кон интерконтиненталниот бараж за СП 2026, откако ноќеска славеше со 2-0 против Боливија во меч од јужноамериканските квалификации.
Сè беше решено уште во воведните 30 минути, а мечот го одбележа неверојатен авто-гол на Боливија уште во 5. минута – Хектор Куелјар врати топка од околу 30 метри, а голманот Вискара не успеа да ја прими и ја пушти низ нозете. Само неколку минути подоцна, Габриел Вилјамил имаше шанса за израмнување, но ја промаши. Казната стигна во 30. минута, кога искусниот Саломон Рондон ја затресе мрежата и го постави конечниот резултат.
Así empezó la victoria de la @selevinotinto 🇻🇪#EliminatoriasSudamericanas pic.twitter.com/ZoxFROOjGJ
— CONMEBOL.com (@CONMEBOL) June 7, 2025
Во вториот дел немаше многу возбудувања, а со оваа победа Венецуела сега е седма со 18 бодови – позиција што носи бараж. Боливија останува осма со 14 бодови.
Претходно, Перу и Колумбија одиграа 0-0. Перу останува на деветтото место со 11 бодови, додека Колумбија е на делба на третата позиција со Уругвај – двете селекции имаат по 21 бод. Венецуела сѐ уште е во игра и за директен пласман на Мундијалот – што би било историски првпат.