Јувентус ја задржува старата гарда, капитените Буфон и Кјелини потпишаа нови договори

На двајцата договорите им истекуваа утре, нивното останување никогаш не беше доведено во прашање, но сега е официјализирано.

„Џанлуиџи Буфон и Џорџо Кјелини ги обновија нивните договори со Јувентус до 30 јуни 2021“, соопшти клубот.

Кјелини во август ќе наполни 36 години и сака најмалку уште една година да игра. Тој во Јувентус е од 2005 година, досега има 509 меча и 36 погодоци.

Џиџи Буфон во Јувентус е од 2001 година кога дојде од Парма, тој зад своето име има 669 настапи за Јувентус.