Ѕвездата на Алжир, Ријад Марез, даде изјава која дополнително го поттикна сомнежот дека нивниот натпревар против Австрија бил договорен да заврши нерешено.
Пред натпреварот се знаеше дека реми им одговара и на Австрија и на Алжир. Но, во финишот од дуелот се случи вистинска драма. Марез даде гол во 93. минута за водство на Алжирците од 3-2, па три минути подоцна Австријците израмнија на 3-3.
Прв сомнеж дека е договорен мечот се појави по реакцијата на Арнаутовиќ, кој наводно се расправаше со селекторот на Алжир затоа што постигнале гол за 3-2.
Сега Марез со својата изјава уште толку го поттикна сомнежот дека натпреварот е договорен.
„Ја раширивме играта и тие се повлекуваа. Но, во последен момент некој ми ја протурка топката низ средината. Морав да трчам, морам да го почитувам фудбалот. Знам дека е малку непријатно, но така е. Топката дојде пред голманот и морав да шутирам, морав да се обидам да постигнам гол. Знам дека беше непријатно, но тоа е фудбалот. Морам да го почитувам. И доброто – добро за нив – е што на крајот постигнаа гол и продолжија понатаму. И двата тима продолжија понатаму и тоа е најважното“, рече Марез
🇩🇿🇦🇹 – Riyad Mahrez appears to admit to match manipulation in the Algeria vs. Austria game after saying:
— Hamza El (@hamza_el_00) June 28, 2026
“I had to respect the rules of the game and score against Austria, and I know it’s an embarrassing situation.” pic.twitter.com/LwJXfOhEMu