Голгетерот во
последно време често се поврзува со трансфер во Реал Мадрид, репрезентативецот
на „Гаучосите“ е една од желбите на „Кралевите“ за замена на очајниот Карим
Бензема.
Мауро Икарди
речиси и да не ги коментираше ваквите гласини но вечерва ги загрижи фановите на
Интер со мистериозна порака на Инстаграм.
Напаѓачот објави
цитат од песна на аргентинскиот музичар Густаво Серати која има наслов
„Збогум“.
„Зрелост е да
можеш да кажеш збогум” –
гласеше постот, кој од страна на навивачите на „Нероаѕурите“ беше протолкуван како знак дека
Мауро Икарди заминува.
Аргентинецот има
откупна клаузула од 110 милиони евра, сума која Реал Мадрид лесно може да ја
плати. Интер не сака да остане без својот капитен и веќе се започнати преговори
за нов договор со трајност до 2023 и откупна клаузула од 200 милиони евра.
Останува да се
види дали со оваа порака Мауро Икарди му намигнува на Реал Мадрид и навестува
трансфер или пак се работи за нешто од приватниот живот на играчот.