Дивок Ориги попладнево соопшти дека става крај на кариерата, напаѓачот во последните две години беше актуелен само поради тоа што секој месец добиваше плата од 300.000 евра а не играше.
Дивок Ориги беше еден од хероите на Ливерпул во сезоната 2018/19, со два гола во полуфиналето во Лигата на шампиони помогна во епскиот пресврт против Барселона, а потоа постигна и победоносен погодок во финалето против Тотнем.
Но во Милан неговата приказна беше сосема поинаква, напаѓачот се покажа како големо промашување, а во последните две години беше актуелен само поради тоа што секој месец добиваше плата од 300.000 евра, а не играше.
Во декември месец тој конечно го раскина договорот со „росонерите“, но наместо нова авантура, тој сега соопшти крај на кариерата со само 31 година.
„Мојата цел во фудбалот е исполнета“ – почнува пораката на Дивок Ориги.
„Ги остварив соништата кои ги имав како дете. Настапував на најголемите фудбалски сцени и ги освоив највредните трофеи. Му благодарам на Бог за сето тоа“.
„До навивачите, клубовите во кои играв, моите соиграчи и семејството – ова патување засекогаш ќе ни припаѓа на сите нас. Ви благодарам за поддршката и љубовта“.
„Чувствувам дека мојата мисија во фудбалот е исполнета. Сега е време за ново поглавје и нови предизвици“.
„Приказната продолжува, со љубов, Дивок Ориги“.