По разочарувачките први настапи за Челси, Хаверц денеска профункционира во Лига Купот откако со постигна три гола во дуелот со Барнсли.
Останатите погодоци беа дело на Абрахам, Баркли и Жиру, Челси победи со 6-0.
Тиаго Силва го одигра целиот меч, ова беше негово официјално деби за Челси, а првите минути ги имаше и Чилвел кој во игра влезе во 66. минута.
Дербито од Лига Купот се играше меѓу Лестер и Арсенал. Топчиите победија со 2-0, со автогол на Фукс и погодок на Нкетиа.
Евертон со 5-2 победи кај Флитвуд. Ришарлисон даде два гола, по еден постигнаа Ивобу, Бернард и Кин.
Најубедлив беше Њукасл кој со 7-0 го совлада Морекамб. Жоелингтон даде два гола, по еден Алмирон, Марфи, Хајден, Ласкелс, еден беше автогол.
Во другите мечеви Фулам со 2-0 го победи Шефилд Венздеј, Барнли со истиот резултат славеше кај Милвал, со 2-0 победи и Брајтон кај Престон, Стоук со минимални 1-0 беше подобар од Гилингем.