Европската фудбалска федерација (УЕФА) удри по џебот на неколку европски клубови поради прекршувања на новите правила за финансиски фер-плеј, а меѓу казнетите се најде и хрватски Хајдук Сплит.
Одлуката на УЕФА предвидува казна од 1.2 милиони евра за Хајдук, од кои 300.000 евра ќе мора веднаш да бидат платени, додека остатокот е условен и ќе се активира само ако клубот повторно ги прекрши правилата. Покрај хрватскиот претставник, на листата се најдоа и звучни имиња како Барселона, Челси, Лион, Астон Вила и Рома.
Ова е прва примена на новата финансиска рамка што стапи на сила оваа сезона и ги опфаќа финансиските извештаи за 2023 и 2024 година. УЕФА детално ги анализирала трансакциите поврзани со продажба на имот, размена на фудбалери и трансфери меѓу поврзани страни, приходи кои, според новите регулативи, не се признаваат како валиден финансиски прилив во рамките на системот за лиценцирање и одржливост.
Во соопштението се посочува дека клубовите кои нема да ги исполнат финансиските цели што ги договориле со УЕФА, може да се соочат и со дополнителни санкции, меѓу нив и забрана за регистрација на нови фудбалери за европските натпреварувања.
Chelsea, Barcelona, Lyon, Aston Villa i Hajduk ukarani za nieprzestrzeganie zasad Finansowego Fair Play.
— Football Info (@football_inf0) July 4, 2025
Nie spodziewałem się tego po UEFA. Miłe zaskoczenie. pic.twitter.com/vvZOCDa3LJ