Пред големата пресметка меѓу Шпанија и Аргентина во финалето на Светското првенство, „Гугл“ подготви посебна анимација посветена на шпанскиот репрезентативец Марк Кукуреља.
Сите корисници кои во пребарувачот ќе го внесат неговото име ќе добијат интересно изненадување, на екранот се појавува мачка со кадрава перика која потсетува на препознатливата фризура на фудбалерот и држи шпанско знаме.
Анимацијата се активира автоматски при пребарување информации за Кукуреља, а „Гугл“ на овој начин се приклучи на виралниот тренд кој со недели кружи на социјалните мрежи. Фотографијата од мачката со перика стана хит меѓу навивачите, кои ја користат како симбол за поддршка на левиот бек на Шпанија.
