Хајдук конечно го прекина 16-годишниот европски пост, сплитскиот гигант го елиминираше Раков со вкупен резултат 5-4 и обезбеди место во лигашката фаза од Конференциската лига.
За Хајдук ова е прв пласман во главната фаза на едно европско натпреварување по сезоната 2010/11, кога настапуваше во групната фаза од Лигата на Европа.
Реваншот против Раков донесе вистинска драма. Хрватите поведоа уште во првата минута преку Рон Раци и со минимална предност заминаа на пауза.
Гостите, сепак, не се предадоа и во 60. минута стигнаа до израмнување преку Ламин Диаби-Фадига. Хајдук брзо возврати, само шест минути подоцна Микеле Шего погоди за 2-1.
Кога се чинеше дека домаќините го имаат мечот под контрола, во 88. минута на сцена стапи поранешниот фудбалер на Динамо Загреб, Махир Емрели, кој го израмни резултатот и го одведе натпреварот во продолженија.
Во дополнителните 30 минути, херој на Хајдук стана Рокас Пукштас. Тој го постигна решавачкиот погодок и му донесе на сплитскиот клуб голема европска радост по долги 16 години чекање.
ROKAS PUKŠTAS IN HIS LAST HAJDUK MATCH!!!!!
— Croatian Football (@CroatiaFooty) August 27, 2026
3-2 pic.twitter.com/EKQYjAwo4E https://t.co/hTfRcNIBcW