Кристал Палас испиша историја и го освои првиот европски трофеј во клупската историја, откако во финалето од Конференциската лига со 1-0 го совлада Рајо Ваљекано. За лондонскиот клуб ова е трет трофеј во последната година, по претходно освоените ФА Куп и Комјунити Шилд.
По натпреварот, тренерот Оливер Гласнер не го криеше задоволството од успехот, но и емоциите поради заминувањето од клубот.
„Морам да им честитам на играчите и на целиот тим, натпреварот беше токму каков што очекувавме. Имавме неверојатни 15 минути на стартот од второто полувреме кога го постигнавме голот и можевме да го решиме финалето. На крајот добро се браневме и ова беше фантастична вечер. Оваа група играчи, клубот и навивачите го заслужија трофејот во Конференциската лига и затоа сум многу среќен. Не можам да верувам дека ова е мој последен натпревар, но ја донесов таа одлука и мислам дека ова е убаво поглавје во книгата на Кристал Палас. Играчите секогаш ме слушаа, ми веруваа и ме поддржуваа, иако знам дека можам да барам премногу од нив. По едногодишно одложување, клубот и навивачите го направија тоа што го заслуживме и се пласиравме во Лигата на Европа. Понекогаш до успехот одите по „обиколница“, но сега сме тука. Кристал Палас е каде што треба да биде!“, изјави Гласнер.
“Uz jednogodišnje odlaganje, klub, navijači i igrači su uradili ono što su zaslužili i plasirali se u Ligu Evrope. Ponekad morate da idete okolnim putem, ali sada smo tu. Kristal Palas je tamo gde bi trebalo da bude”, rekao je Glazner.
Австрискиот стратег летово ќе го напушти Кристал Палас по две години во кои освои три трофеи и остави силен белег во историјата на клубот.