Рома попладнево го потврди Џан Пјеро Гасперини за нов тренер, искусниот стратег стави потпис на тригодишна соработка.
По девет години на кормилото на Аталанта, Џан Пјеро Гасперини ова лето започнува нова авантура и ќе седне на тренерското столче на Рома.
„Рома со задоволство може да соопшти дека Џан Пјеро Гасперини е именуван за нов тренер на првиот тим“ – гласеше известувањето на „волчицата“.
„Досегашната кариера на Гасперини е одбележана со иновативни тактики, силна работна етика и извонредна способност за развој на фудбалери“.
„Сопствениците и Клаудио Раниери се уверени дека тој е вистинската личност за оваа улога“.
Џан Пјеро Гасперини стави потпис на тригодишна соработка, а како што пренесуваат медиумите, неговата плата ќе биде околу 5 милиони евра по сезона, со што ќе биде еден од најплатените тренери во Серија А.
ФОТО: X/AS Roma