ФФМ ја објави продажбата на билети за мечот против Белгија

Фудбалската федерација на Македонија ја објави продажбата на билетите за натпреварот против Белгија во квалификациите за Светското првенство.

„Рисовите“ ќе го дочекаат европскиот гигант на 6 јуни (петок) на Националната арена „Тодор Проески“ во терминот од 20:45 часот. Продажбата на билетите започна попладнево и ќе се продаваат само онлајн.

Цената на билетите ќе биде 300, 400 и 500 денари, а ќе се продаваат карти за западната, северната и јужната трибина.