Од таборот на Комо порачуваат дека Сеск Фабрегас останува, Интер не губи надеж но зделката е комплицирана па „нероаѕурите“ полека размислуваат за ангажман на Патрик Виеира за нов тренер.
Сеск Фабрегас е првиот избор на Интер за наследник на Симоне Инзаги, одредени медиуми попладнево дури објавија дека двете страни си подале рака.
Сепак, Комо не сака да се откаже од младиот стратег и попладнево претседателот Мирван Суварсо порача дека Шпанецот останува.
„Имаме долгорочен проект кој го градиме околу Сеск Фабрегас, тој нема да го напушти клубот“ – рече Муварсо на настан во Лондон.
Покрај ова, има и уште еден бирократски проблем, во моментов Сеск Фабрегас е малцински сопственик во Комо, па за да стане тренер на Интер, ќе мора да ги продаде акциите.
Па затоа Интер полека размислува за планот Б и ангажман на Патрик Виеира, со кого веќе е остварен формален разговор.
Се шпекулира дека неговата слобода чини 500.000 евра, сума која „нероаѕурите“ ќе ја платат без проблем.
ФОТО: X/FC Como