Елмас одигра 90 минути, Наполи не успеа да го пробие Ајнтрахт, Арсенал со три бода се враќа од Прага

Елиф Елмас го одигра целиот натпревар за Наполи против Ајнтрахт во Лигата на шампионите, мечот заврши без голови, Арсенал со 3-0 победи на гостувањето кај Славија Прага.

Наполи беше поактивниот тим на овој натпревар, но не создаде доволно чисти шанси за да го загрози голот на германскиот тим.

Елмас имаше солиден меч, во самиот финиш имаше една шанса за гол, но гостите се одбранија.

Арсенал со убедливи 3-0 дојде до трите бода против Славија во Прага.

Сака од пенал погоди во второто полувреме, Мерино даде два гола во вториот дел. Шпанецот играше како шпиц во отсуство на повредениот Ѓокереш и максимално го искористи тоа.