Двајца важни играчи на Милан од првиот тим се позитивни на ковид-19

Чалханоглу и Хернандез се позитивни на последното тестирање, двајцата се асимптоматични и веднаш се пратени во изолација.

„Милан сака да потврди дека Хакан Чалханоглу и Тео Хернандез се позитивни на ковид-19. Тестовите на останатите во тимот се негативни. Двајцата фудбалери се асимптоматични, веднаш се ставени во домашен карантин. Сите други играчи ќе бидат следени по пропишаните протоколи“, се вели во соопштението на Милан.

Росонерите утре му гостуваат на Каљари во меч од Серија А.