Санти Казорла, кој со Шпанија два пати триумфираше на Европско првенство, вели дека реваншот помеѓу Овиедо и Мирандес во баражот за влез во Ла Лига е најважниот натпревар во неговата кариера.
На залезот од својата кариера, Санти Казорла не сакаше да ги брка арапските милиони и реши да се врати во матичниот Овиедо и практично да игра за беспари (мора да добива минималец пропишан со закон).
Неговата цел е да го однесе Овиедо до елитата, па во пресрет на реваншот против Мирандес во баражот, вели дека ова е најважниот натпревар во неговата кариера.
„Знам само една работа, ќе бидам дел од натпреварот без разлика на се“ – вели Санти Казорла, кој го пропушти првиот меч поради повреда.
„Ова е моментот кога мора да ризикувате, мора сите да изгинеме и да го направиме тој последен чекор. Јас сум на располагање, а тренерот е тој што ќе одлучи во каков капацитет ќе ме искористи“.
Офанзивниот фудбалер со Шпанија два пати триумфираше на Европското првенство но пресметката во сабота е нешто посебно.
„Да, ова е најважниот натпревар. Имам искусено многу работи, но поради работите што ги чувствувам за овој клуб, и тоа дека се ближи крајот на мојата кариера, овој натпревар е нешто уникатно. Се надевам дека ќе славиме, без разлика дали ќе играм или нема“.
ФОТО: X/Real Oviedo