Италија минува низ тежок период по новиот неуспех да обезбеди пласман на Светското првенство, но раководството на федерацијата брзо пронајде решение за селекторската позиција. Според информациите на Џанлука Ди Марцио и Николо Шира, Роберто Манчини е на чекор од враќање на клупата на „азурите“.
Италијанските медиуми пренесуваат дека неговото именување е практично завршена работа и дека остануваат само формалностите. Новинарот Николо Шира открива дека за Манчини е подготвен долгорочен договор до 2030 година, според кој ќе заработува по два милиони евра по сезона.
Планот е искусниот стратег да ја предводи Италија до завршувањето на Светското првенство во 2030 година. Сепак, во договорот ќе има клаузула која му овозможува на Сојузот предвремено да ја прекине соработката доколку репрезентацијата повторно не ги исполни очекувањата во квалификациите.
Во меѓувреме, функцијата привремено ја извршуваше Силвио Балдини, кој беше прекомандуван од селекцијата до 21 година. Под негово водство Италија оствари две победи во пријателски натпревари, совладувајќи ги Луксембург и Грција со идентични 1:0.
Да потсетиме, Манчини во 2021 година ја одведе Италија до европската титула, а по заминувањето од националниот тим работеше како селектор на Саудиска Арабија и тренер на Ал Сад.
Roberto #Mancini is one step away to return on #Italy National Team’s bench. Ready a contract until 2030 (€2M/year). #transfers 🇮🇹 https://t.co/1ZGUhyJrH6
— Nicolò Schira (@NicoSchira) June 8, 2026