Рајо добро ја
намачи Барса, домаќините дури имаа и водство, но квалитетот на гостите дојде до
израз и тие го продолжуваат настапот во Копа дел Реј.
Нашиот Столе
Димитриевски имаше неколку добри интервенции во првиот дел, ги спречи обидите
на Тринкао, Меси и Гризман а имаше и среќа кога Де Јонг и Пуџ ја погодија
рамката од голот.
За овие
промашувања казната стигна во 63. минута, по една брза контра Фран Гарсија
донесе 1-0.
Куман потоа
направи три замени, во игра влегоа Алба, Дембеле и Педри и веднаш дојде до
изедначување.
Де Јонг одлично
го уфрли Гризман кој несебично го проигра Меси а Аргентинецот осамен рутински
ја затресе мрежата за 1-1.
Десет минути подоцна,
во една класична акција за Барса, Меси уфрли топка за Алба кој спушти на пет
метри каде осамениот Де Јонг го матираше Димитриевски за 1-2.