Дибала вели дека интерес за него имало од повеќе клубови, но тој ја одбрал Рома откако разговарал со Жозе Мурињо.
„Мислам дека е прерано да се зборува за Скудето. Рома освои многу важен трофеј минатата сезона, тие напредуваат во изминатите години. Има важни цели, освојувањето е една од нив, но треба да мислиме од натпревар за натпревар, има тимови кои се пред нас“, вели Дибала.
„Дали се чувствувам предадено од Интер? Не воопшто. Моите агенти зборуваа со многу тимови. Имав многу добар однос со Мората во едно време. Но многу тимови ме бараа и јас ја одбрав Рома“.
„Мојата позиција? За тоа ќе одлучи тренерот. Зависи кај смета дека ќе бидам најдобро решение. Мене ми е сеедно, важно ми е само да победувам. Повикот од Мурињо за мене беше големо задоволство, зборувавме за многу работи. Рома покажа колку ме посакува и тоа беше клучно во одлуката“.
„Клаузулите во договорот? Размислувам само за игрите на теренот, за другите работи треба да го прашате директорот“.