Ди Марија почна да изразува незадоволство, гестот на Аргентинецот за кој се зборува во Италија (ВИДЕО)

Јувентус за прв пат во својата историја забележа два порази на воведните два натпревари во Лигата на шампиони откако Бенфика синоќа славеше со 1-2 во Торино.

Притисокот врз Макс Алегри е голем, а од одлуките на тренерот незадоволство изрази и летното засилување Анхел Ди Марија. По крајот на натпреварот, камерите го уловија Аргентинецот во разговор со Аркадиуш Милик и го праша: „Зошто те заменија?“

Полјакот игра во одлична форма по преселбата во Јувентус, и беше стрелец на голот со кој Јувентус поведе против Бенфика.