Кристијано
Роналдо изминативе месеци во неколку наврати се поврзуваше со трансфер во Баерн
Минхен, но раководството на „баварците“ порача дека Португалецот не се вклопува
во нивната филозофија.
Во разговор со
Кикер, Матајс де Лихт сега имаше многу пофални зборови за Кристијано Роналдо и
како да сакаше да го препорача напаѓачот на Баерн.
„Кристијано е
одличен лик, многу разговара со соиграчите, особено со помладите и секогаш сака
да помогне“ – вели дефанзивецот кој ова лето го напушти Јувентус и се пресели
во Минхен во зделка вредна 67+10 милиони евра.
„Наскоро ќе полни
38 години, но има тело на 24 годишен фудбалер. Можете само да му се восхитувате“.
„Во Јувентус
заврши одлична работа, постигнуваше голови и беше извонреден соиграч“.
„Нема фудбалер
како Роналдо во шеснаесетникот, најдобар е во светот, ќе го заборавите на миг и тој ќе ви даде гол“.