Минатото лето Нејмар го направи рекордниот трансфер од Барселона во ПСЖ вреден 222 милиони евра.
Дани Алвес кој играше и со двајцата во Барселона, сега настапува со Нејмар во ПСЖ, смета дека го има одговорот на прашањето зошто неговиот сонародник го напушти Камп Ноу.
„Тој едноставно мораше да излезе од сенката на Меси. Играњето со Меси е нешто најдобро што на некој фудбалер може да му се случи, но понекогаш се прашувате дали навистина сте толку добар играч или сето тоа е поради Меси. Нејмар сигурно ќе има поголема шанса за остварување на својот сон во ПСЖ. Важно е дека по тој пат тргна самостојно“, изјави Алвес.
Нејмар сонува да добие награда за најдобар фудбалер на светот, но во последните десетина години таа ја нема никој освен Меси и Роналдо.