Чукарички го засили тимот со крило од Евертон!

Чукарички го претстави своето прво засилување за новата сезона, откако во клубот пристигна младиот крилен напаѓач Окезије Чибуике Коби Ебере од редовите на Евертон.

Фудбалерот роден во 2005 година потпиша тригодишен договор со клубот од Баново Брдо. Ебере настапува на позицијата лево крило, а може да игра и на повеќе офанзивни позиции. Станува збор за фудбалер кој поседува германско и нигериско државјанство, висок е 187 сантиметри и важи за играч со добра брзина, техника и силни дуел игри.

Неговиот развој е поврзан со младинската школа на Евертон, каде настапуваше за помладите категории, а подоцна и за тимот до 21 година во Премиер лигата 2.

Чукарички подготовките за новата сезона ќе ги стартува во среда, а на првиот собир ќе се јави и Ебере.