Хрватскиот стручњак Нико Ковач ќе го задржи кормилото на Борусија Дортмунд и во претстојната сезона, откако раководството на клубот изрази целосно задоволство од неговата работа.
Во последниот дуел „милионерите“ забележаа важна победа од 3:2 над Борусија Менхенгладбах и сега се наоѓаат на седмото место во Бундеслигата. Според извори на германскиот „Билд“, шефовите на Дортмунд се воодушевени од трансформацијата на тимот и привлечниот стил на игра што Ковач го имплементира.
И покрај тоа што клубот не е во најповолна ситуација на табелата, со четири кола до крајот сепак останува во трката за пласман во Лигата на шампионите. Раководството е децидно дека сака да му даде доверба и да продолжи со развојот на екипата под водство на поранешниот селектор на Хрватска.