Усаин Болт беше
познат како најбрзиот човек на земјата во текот на својата кариера, меѓутоа
поранешниот спринтер смета дека ѕвездата на Јувентус, Кристијано Роналдо би го
победил на една трка во моментов.
Болт беше
запрашан во интервјуто за „Марка“ кој би победил во една трка со ѕвездата на
Јувентус, а тој не го криеше искрениот одговор од јавноста.
„Сигурно Роналдо,
за мене тој работи напорно секојдневно, станува збор за неверојатен спортист,
претпоставувам добро ме разбирате…“ вели тој.
„Тој секогаш е на
едно високо ниво за време на натпреварите, работи напорно, фокусиран е, така, во
моментов сметам дека тој дефинитивно би бил побрз од мене“ додаде Болт.
Спринтерот од
Јамајка е осумкратен освојувач на златен медал на Олимписките игри, а запиша
победа на три последователни трки на летните игри, но, 34 годишниот Болт сега е
пензиониран и не учествувал на натпреварувања од 2017. година.