Бекам е возбуден од трансферот на Санчез во Јунајтед: Не ми се верува дека се случи!

Алексис Санчез ќе ја носи „седмицата“ на Дејвид Бекам во Манчестер јунајтед. Поранешниот фудбалер беше запрашан што мисли за трансферот.

„Се уште не можам да поверувам дека се случи. Зачудувачки е да се види, беше дел од голем клуб како Арсенал, а потоа се пресели неколку часа северно во најголемиот клуб“, вели Бекам.

„Му посакувам среќа. Фан сум на Манчестер јунајтед и возбуден сум кога некој со таков талент ќе го облече дресот на нашиот клуб. Па ова е возбудлив период за нас“.